بأي حال عدت ياعيد ؟
أتيت ونزيف الدم يزداد وبلادنا ترفل في الحروب القبلية
العنصرية دمرت بلادنا وأشعلت نار الحرب
القبلية فتنة لعن الله من أيقظها
العنصرية سم مدسوس من أجل الدمار
دعوها فهي نتنة
لتكن هويتنا سوداني
أمنا مهيرة وأبونا النيل
يجمعنا حب السودان ..حب الوطن الكبير
دارفور بلدنا و
كسلا وتلالا ….التاكا وجبالها…كردفان وخيراتها ….بورتسودان ونيالا….شندي دار جعل….كوستي وكنانة …..بلدنا واسعة وخيره وافي
شمالنا ونخلينا….وسطنا وغربنا…شرقنا وربوعه
بتشيلنا كلنا لو إطايبنا ….ونبذنا القبلية وقلنا هويتنا بتكفينا
غرباوي شمالي ….مساليت عرب…..نوباوي هلباوي …هبانية تعايشة رزيقات….شايقي هدندوي… …زيادية برتي ..جامعي رباطابي….بديرية حسانية….
كلنا أخوان ….أولاد الوطن الواحد أولاد السودان
كفاية حروب ياناس …عاوزين عمار وصلاح
نقوم بدري نقول هيا علي الفلاح
نشيل طورية ومنجل …نزرع نتيرب نخضر أرضنا
نبني نصنع نعلي بلدنا
نشمر السواعد…نحلم بوطن واعد
ونقول بكره أحلي
نكافح …نناضل …نصافح بعضنا
بلدنا غنية بكل الموارد…نوقف الحروب …نخلي القبيلية…ننبذ الجهوية
نشق الجروف ….نطلع دهبنا ….نزرع الأراضي يكون إنتاج وفير
ويكون سودانا فوق …فوق في الأعالي ..نوقف النزيف ….ننادي لشبابنا شمروا السواعد إتقدموا الصفوف
ودقوا الدفوف وردروا النشيد وغنوا يابلادي فداك فداك
وغنوا من الصباح
في الفجرية طالع بيزرع في الناس …سودانا نادانا
