عباس كابو يكتب في خيوط الطواقي: بنكك مازال واقف وقاعد بيخدم السودان والسودانيين
خيوط الطواقى
????????????????
عباس كابو ______ القضارف
بنكك لسه واقف وقاعد بيخدم السودان والسودانيين
????????????????????
في الأيام الفاتت سمعنا كلام كتير واتنقلت إشاعات ساكت عن تطبيق “بنكك”، لكن بنك الخرطوم حسم الموضوع وقال كلام واضح للناس كلهم: التطبيق شغال، وما اتوقف، ولسه بيخدم في الزبائن زي ما كان دايمًا.
بنك الخرطوم طمن زبائنو الكرام وقال ليهم ما تلتفتوا للكلام الفارغ البتتناقلو الناس، وذكر إنو “بنكك” كان وما زال وحيستمر يكون شريان الحياة للسودان وأهلو، في الوقت الحرج والضيق قبل الرخا.
الطل نيوز بتحب تأكد ليكم إنو بنك الخرطوم بنك سوداني قُح، ومسجّل حسب قانون الشركات السوداني، وبخضع لرقابة وتعليمات بنك السودان المركزي، يعني الموضوع ما سايب.
وفي رد واضح للإشاعات، البنك قال السيرفرات والأنظمة شغالة من أماكن مختلفة، لكن الإمارات ما من ضمنها، والمعلومات دي مقصودة تطمّن الناس وتقطع الطريق قدّام الحملات المضلِّلة.
الزول البفهم بيلاحظ إنو الكلام دا وراه منافسة غير شريفة، في محاولة تهز الثقة في مؤسسة مالية كبيرة وخدمة الناس متعلّقين بيها في ظل الظروف الصعبة.
إدارة بنك الخرطوم وكل العاملين فيه سودانيين وطنيين، يفرحوا لفرح البلد ويحزنوا لي حزنو، وهمهم الأول خدمة المواطن في أي حتة من الوطن.
فما تسمعوا للقال والقيل، “بنكك” شغال، وبنك الخرطوم واقف، والنية واحدة: نخدم السودان.
????????????????????????????
