من رحم المعاناة
ابوبكر محمود
الجمعة الجامعة
آفة الأخبار رواتها كما يقال
الاسبوع المنقضي كان مليئا بجملة من الاحداث والأخبار هناك اخبار مفرحة كثيرة
ومبشرة واخري محبطة وغريبة
المهم كادقلي الحبيبة عادت بعد عامين من الحصار والجماعة الطبيين يصرخون
قواتنا المسلحة ستظل فخرنا وسندنا ونظل داعمين لها بقوة حدها سيكون دارفور كما أكد قائدها العام الكاهن البرهان
مشهد مفرح
المعاشيين من اشد الشرائح التي تضررت من الحرب الان هناك بشريات واصلاحات في اوضاعهم والقادم مبشر في عهد جديد ووزير مجتهد
حالة اخري
لم يهنا سكان أرض المحنة بمعرض البيع المخفض ليتفاجوا صباحا باغلاق السوق من قبل التجار بسبب الرسوم والعوائد ورمضان علي الأبواب
المواطن هو الضحية والتجار ايضا سيرفعون الاسعار والموظفين سيقبضون الريح وزيادات المرتبات سيبتلعها غول السوق وكانك يا أبو زيد ماغزيت ليت والي الجزيرة الطاهر الخير بتدخل لحل هذه الازمة
رمضان دخل وظروف الناس ماثلة أمام العيان ولا تحتاج الي توضيح
الحال مائل ويغني عن السؤال
حاجة غريبة
استغربت جدا بقعد محكمة في ولاية سنار بطلها خنزير وقبل أيام القبض علي 56 شخص نساء ورجال في جلسة زار وفي ألقاهرة مطربين يقبلون الشيخ العجيب في يده
الناس في شنو والعالم ديل في شنو هذه الافاعيل مردها الغضب الرباني البلد يكفيها مايكفيها من ازمات
ياخوانا شوف لينا تطبيق غير بنكك دا
علي مدار يومين وانا انتظر تحويلة قادمة اصطدم بعقدة التطبيق ماشاغال
السيدة محافظة بنك السودان المركزي. انت تمضين في الطريق الصحيح وقراراتك محترمة باعادة الآموال المخصومة لاصحابها
لكن شوفو لينا تطبيق آخر يحلنا من بنكك
حال الناس وقف بسببه امس واول امس
كسرة اخيرة
كلنا كيكل نقف بقوة مع أبو لمبة ضد القرارات الجائرة من بريطانيا التي تستضيف وفد تاسيس التعيس
حفظ الله السودان ونصر قواته المسلحة ونصر وفتح من الله قريب
