حروف غآئرة
د. الشيخ احمدآني
(رقيص العروسه)
وأهلنا اللي بيطربوا للدلوكة بتشدهم شديد رقيص العروس وانت بتعرف الكلام دة كويس لمان تقول (لزوجتك)نمشي تقول ليك دقيقةنقعد شوية(العروس ما رقصوها)اها انت هنا بتضطر تقعد وتمسكك (ام هل هلا)شان تشوف (رقيصها ).
.نحن بلدنا دي فيها حاجات حلوة و(الكشيف)بكسر الكاف
من بعيد و(المتاوقة) بتعادل سياحة في بلاد الماليز…..اها دي زاتها بتساوي عند الأهلة وهي مسألة تصفح صور الميديا اللي بتنتشر بتظهر (ريسنا)
مرة بتاوقوا ومرة (بكشفوا)للصورة بالالوان ومرات عادية ابيض واسود
وطبعا الخبر عندكم
يا ابيض يا (اسود)
غايتو جمال عجيب والمهيرات يتغزلن فيه دي بالذات بتديك ياا سوبطة.. وانا زاتي شعور (بدلال) وحواجبك.. وحواجبي (بتدلدل) انا ما عارف الدخلني شنو بس حاسس. ياااخ وما قادر اخبي وانت يا البتشاهدا وتتفرج كدة عجيبة يااااخ وانت تشاهد وقفة الرؤساء بتديك احساس انها بتهندس الوقفة وبتديها ريحة الفة وبهرجة بترجعك لاحاسيس المراهقة..غايتو في مقولة بتقول (ماغالب الدين احد الا غلبه) اها الصور دي وهيبة الهلال دي ما غالبت رئيس الا غلبته غايتو دة راي انا والما عاجبو والشايف كلامي دة ككيف كيف
تعال ال نسألك عن رأيك في رقيص العروس (ما قعد
يعجبك؟) انت شايفه عيب لكن سؤالي ليك ما (عجبك)ما حصل (تاوقت)من فوق للحيطة شان تشوف(الميلة)في زمتك ما شفتها وكتين تكشح (الشبال) كيف نبضك بزيد
اهااااا زولتنا دي يومها اللي(تكشح) سوباطنا بالشبال….
زولنا اللي اتخارج دااك بتلقوووه بعصاته (ببشر)
والنقزة اليوم داك (بتحلا)ووواحلااتاااا
والصحفي الركبنا فيه ماسورة اللي بوصل الشمارات داك بتصور (سيلفي)اليوم دااااك
اريتو يالسوباط
يوم(شبالك)برة وبعيد
نحن فترنا من (سلاماات) ومقالدات الرؤساء دي قعد تجيب لينا (الهبايب)
واحدين من اللي بطلعوا ف الكرآسي وعادة تلقاااهم وآقفين (قنأ) وقت رقيص العروس هناك جمب الباب الكبير الواحد بقول ليك فيها شنو لو (قالدها) ماهي بتعجب لكن ورقيصها (اخاذ)..وجاذب وميلانها (فظيع)….بعدين دي ما (املاكه)……. يااااخ زودتوهااا اول مرة الاقي مشجعين (للمقالدة)،امام العامة الناس ديل (علمانية)وكدة بعدين المسالمة والمقالدة خشم بيوت
في (وحدات)كدي لمان اصحابك يشوفوها سالمتك بجروا بكلموا ليك ابوك…واليوم داك قيامتك بتقوم….سلام بعمل السمعة وبجيب الهواء
اها زي دي لو قالدتك بتلقي مقالدتها في اليوتيوب
كلمة اخيرة????
ودايما الاخبار اللي بتجينا معاها صور بتديك انطباع بالصدق وانها صادقة زي (طلب)الفول لمان يدوه ليك (كشحة)جبنة وزيت قدامك حاجة بتدهشك كدة وبتخلي الطعم حقيقي ومتحكر جواك اهااا يا (ريسنا) بس المرة دي اياك اعني السيد العليقي امس طمنتنا ب لايف واستجبت للتساؤلات وانه نهج مبتكر وجميل سمعنا منك كل ما نشتهي بس ما وريتنا هل الدوري الموريتاني كاف للتجهيز لابد من استضافة فرق علي مستوي عال للتجهيز
بعدين الاولاد ديل ما كان تطيروا بيهم (دبي)اسبوع نقاهة
ياااخ طلعوهم من جو (المعتت) دة كبوا ليهم جبنة وسمنة قبل الموسم الافريقي ادهشوهم سوبطوهم سي يا بدوي…..بعدين ولدنا فوفانا غاسوما سامعين انو اتن مصاب متين استهلينا لازم يلحق (عشاء) السوباط…ادوه قرسة الولد دة واملوه بعشاكم بركة. تاني بعدين (اردافو)كبرت ووزنو زي ما بقول حميدتي (انبشق) مرق اعصروا تدريبات
مسألة المحترفين مفروض اللجنة قاصد لجنتكم يا سوباط اهتموا بالملف اللي بدأ سماسرة العهد البائد يغازلوكم بيها قولوا ليهم زي ما بتقول حبوبتي (دبيييتكم بالله) انتوا لسة ماسكين ف (ضبيبينة)….تاني زمن الضبيبينة انتهي منه بف باف العليقي وفلوران ينصركما الله
فتشوا ونقبوا ما بتغلبوا
ومدنية ماف و الحرية متوفرة وسلام موريتانيا يجنن
اريتا ما جات في نص كبدتك اريتاااا كان جلتك
يا حتة من كبدتي الطلقة ادمت امتك يومها التعييس يوم صدفت معاها وناشتك
الله غالب
